रामेछापमा कक्षा ८ मा पढने विद्यार्थीले बनाए हेलिकोप्टर र स्काभेटर

१ असाेज, रामेछाप ।
रामेछापका एक विद्यार्थीले आफ्नै सीप प्रयोग गरेर हेलिकोप्टर, स्काभेटर र तोप बनाएका छन् । उमाकुण्ड गाउँपालिकाले सातौ बिज्ञान तथा प्रबिधि दिवसको अवसरमा आयोजना गरेको कार्यक्रममा महालंगुर मावि गुम्देलमा कक्षा ८ मा अध्यनरत विद्यार्थी बिशाल गुरुङले निर्माण गरेको स्काभेटर, तोप र बन्दुक उमाकुण्ड गाउँपालिकाको चण्डेश्वरी माविमा प्रदर्शन गरिएको छ ।

प्रर्दशनीमा गाउँपालिकाका अध्यक्ष शेर बहादुर सुनुवार, जनप्रतिनिधि र उपस्थित स्थानीयलाई विद्यार्थी गुरुङले अचम्ति पार्ने गरी तोप पडकाएर देखाएका थिए । त्यसैगरी उनले सीप प्रयोग गरेर निर्माण गरेको स्काभेटर चलाएर देखाउदा उपस्थित स्वायावसी दिदै ताली ठोकेका थिए ।
उमाकुण्ड गाउँपालिकाका अध्यक्ष शेर बहादुर सुनुवारले विद्यार्थीको कला राम्रो भएकाले आगामी दिनमा गाउँपालिकाले सम्मान गर्दै प्रोत्साहन गर्ने बताए । गाउँपालिकाभित्र नै आशा लाग्दो विद्यार्थी पाएका छौ, विद्यार्थीको ज्ञान र सीपलाई थप प्रबद्र्धन गर्ने गरी हामी योजना अगाडि बढाउछौ, उनले रामेछाप न्युजसँग भने ।
गाउँपालिकाबाट हुन सक्ने सहयोग गर्ने प्रतिबद्धता जनाउदै अध्यक्ष सुनुवारले प्रदेश सरकार केन्द्र सरकारसँग पनि आग्रह गरेर उदाउदो प्रतिभालाई माथि लैजान सहयोग गर्ने बताए । ‘अहिले नमूनाको रुपमा मात्र गुरुङले देखाउने काम गरेका छन्, उनको सीपलाई प्रयोग गर्न सके देशलाई नै योगदान हुनेछ’, उनले भने,‘१५ बर्षमा नै देखिएको यो प्रतिभालाई सक्दो सहयोग हुन्छ ।’