राष्ट्रिय संगीतकर्मी संघको अध्यक्षमा प्रकाश कटुवाल निर्वाचित

२९ वैशाख, काठमाडौं ।
राष्ट्रिय संगीतकर्मी संघको अध्यक्षमा प्रकाश कटुवाल निर्वाचित भएका छन् । संघको १८ औं वार्षिक साधारणसभा तथा छैठौं केन्द्रिय महाधिवेशनबाट रामेछाप निवासी गायक तथा सर्जक कटुवाल अध्यक्षमा निर्वाचित भएका हुन् । शनिबार बेलुका भएकोे निर्वाचनबाट संघमा नयाँ कार्यसमिति चयन भएको छ । निर्वाचनबाट प्रकाश कटुवालको अध्यक्षतामा नयाँ कार्यसमिति निर्वाचित भएको छ । कार्यसमितिको वरिष्ठ उपाध्यक्षमा उमा श्रेष्ठ, प्रथम उपाध्यक्षमा अमृत खाती र उपाध्यक्षमा रमेश दुलाल, कुमार कार्की, जीवन परियार र तीर्थबहादुर श्रेष्ठ निर्वाचित भएका छन् । नयाँ कार्यसमितिको महासचिवमा विनोद ढकाल, स्मृति गौतम सहसचिव, सविन चौहान प्रवक्ता र गोविन्द गौतम कोषाध्यक्ष निर्वाचित भएका छन् ।