रामेछापको बजार विकासको योजना ल्याएका छौः नगरप्रमुख थापा मगर

१५ माघ, रामेछाप ।
रामेछाप नगरपालिकाका नगर प्रमुख नरबहादुर थापा मगरले रामेछाप बजारसँगै सिंगो नगरपालिकाको विकासको योजना अगाडि सारेको बताएका छन् । उनले समग्र नगरपालिकाको विकासमा आफूहरु लागेको बताएका हुन् ।

जिल्लाको पुरानो सदरमुकाम समेत रहेको रामेछाप बजारलाई आधुनिक ढंगले विकास गर्न योजनाबद्ध रुपमा काम अगाडि बढाएको उनले बताए ।
रामेछाप नगरपालिका–८ माथिलो बजारमा नवनिर्मित प्रतिक्षालयको आज उद्धघाटन गर्दै नगरप्रमुख थापामगरले नगरपालिकाले अगाडि सारेको योजना कार्यान्वयन गर्न सबैको साथ र सहयोग आवश्यक रहेको बताए । विकास निर्माणको योजना कार्यान्वयन गर्न सबैको रचनात्मक सल्लाह सुझावको आवश्यकता रहेको बताउदै उनले नागरिकहरुलाई सुझाव दिन आग्रह गरे ।

रामेछाप नगरपालिका–८ का वडा अध्यक्ष केदार कार्कीले तीन वटा प्रतिक्षालय निर्माण गरीएको बताए । प्रतिक्षालय निर्माण भएपछि भालुखोप, रामपुर, ओख्रेनी हिमगंगा लगायतका ठाउँसम्मसम्म जान सवारी साधन कुर्ने यात्रुहरुलाई सहज हुने कार्कीले जानकारी दिए ।