यही सरकारले समृद्धि ल्याउछः मन्त्री ढुंगेल

२३ चैत्र, सिन्धुली ।
प्रदेश नम्बर ३ का आर्थिक मामिला तथा योजना मन्त्री कैलाश ढुंगेलले अहिलेकै सरकारले समृद्धि ल्याउने बताएका छन् । जनताको विकासप्रतिको चाहनालाई आत्मसाथ गरेर सरकारले काम गरिरहेको बताउदै उनले सरकारको कामले गति लिएको बताएका हुन् ।

तीन तहको सरकारले जनताको जीवनमा परिर्वतन ल्याउने गरी काम गरिरहेको छ, यो सरकार जनताको लागि गठन भएको हो, यही सरकारले समृद्धि ल्याएर जनताको चाहना पूरा गर्छ, मन्त्री ढुंगेलले भने । सरकारले गरेको राम्रो कामको पनि आलोचना गर्नु गलत प्रवृत्ति भएको उल्लेख गर्दै निर्वाचनमा गरेको प्रतिबद्धता अनुसार अहिलेको सरकारले गरेर देखाउने बताए ।

शनिवार सिन्धुलीको तीनपाटन गाउँपालिकामा आयोजित विद्यालयको कार्यक्रमलाई सम्बोधन गर्दै मन्त्री ढुंगेलले प्राविधिक शिक्षातर्फ सरकारले ध्यान दिएको बताए । उनले भने,‘व्यवहारिक र जीवनउपयोगी शिक्षा आजको आवश्यकता हो, सरकाले पनि विदेश जाने भन्दा पनि स्वेशमा नै काम गर्ने शिक्षालाई अगाडि बढाउने नीति लिएको छ ।’

मन्त्री ढुंगेलले सिन्धुली निकै सम्भावना भएको जिल्लाभित्र पर्ने उल्लेख गर्दै ऐतिहासिक सिन्धुली गढी, यर्यटन, वन, उर्भर भूमिको सही सदुपयोग गरेर अगाडि बढनु पर्नेमा जोड दिए । सिन्धुली जिल्लामा विकासको लहर सुरु भएको छ, मुख्यमन्त्री जनता स्वास्थ्य कार्यक्रममा पनि सिन्धुलीलाई समावेश गरिएको छ, उनले भने ।