नेपालमा कोरोना संक्रमितको संख्या १४ सय नाघ्यो

१७ जेठ, काठमाडौं ।
नेपालमा कोरोना संक्रमितको संख्या १४ सय नाघेको छ । पछिल्लो एक साता संक्रमितको संख्यामा बृद्धि भएको छ । लकडाउन भएको दुई महिनापछि नेपालमा कोरोना संक्रमितको संख्या पछिल्लो केही दिनयता दैनिक डेढ सयदेखि दुई सय भन्दा माथि देखिन लागेका छ । पछिल्लो २४ घन्टामा थप १८९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यससँगै नेपालमा कुल संक्रमितको संख्या १४ सय १ पुगेको छ । उनीहरु मध्ये ६ जनाको मृत्यु भएको छ भने २१९ जना निको भएका छन् ।