रामेछापमा आजबाट सुरु भयो कोरोना भाइरसविरुद्धको खोप अभियान (फोटोफिचर)

१४ माघ, रामेछाप ।
रामेछाप जिल्लामा आजबाट कोराना भाइरसविरद्धको खोप अभियान सुरु भएको छ । सरकारले आजबाट देशभर पहिलो चरणमा कोरोना विरुद्धको खोप अभियान अन्तर्गत रामेछाप जिल्लामा पनि सुरु भएको हो । जिल्लामा पहिलो खोप जिल्ला अस्पताल रामेछापमा अस्पतालका डा.रोशन ग्वाछा र स्वास्थ्य कार्यालय रामेछापका प्रमुख जितेन्द्र कुमार कर्णले लगाएर सुरुवात गरेका छन् ।

जिल्लामा कोरोनाविरुद्धको खोप लगाउन १४ सय ७७ जनाले नाम दर्ता गराएका छन । जिल्लामा हाल पहिलो चरणमा १५ सय ९० डोज भ्याक्सिन आएको स्वास्थ्य कार्यालय रामेछाप प्रमुख जितेन्द्र कर्णले जानकारी दिए । खोप लगाउने कार्यक्रममा रामेछापका प्रमुख जिल्ला अधिकारी अर्जुन कुमार शर्मा (गुरागाइ) जिल्ला प्रहरी कार्यालय रामेछापका प्रमुख नवराज ढुंगाना लगायतको सहभागीता रहेको थियो ।