यस्तो देखियो नेकपा ओली समुहको आमसभा (फोटोफिचर)
२३ माघ, काठमाडौं ।
नेकपा ओली समूहको आमसभा सम्पन्न भएको छ । काठमाडौँको दरबारमार्गस्थित नारायणहिटी दरबार संग्रहालय अगाडि भएको कार्यक्रममा बाजागाजासहितको झाँकी निकालिएको थियो । जनसभा हुनु भन्दा अघि काठमाडौँको बागबजार, प्रदर्शनीमार्ग, महेन्द्र शालिक, घण्टाघर, सुन्धारा, त्रिपुरेस्वर, गौशाला, मातीघर मण्डला, पुतलीसडक, लैनचौर, सोह्रखुट्टे, टेकू, वसन्तपुर, ज्ञानेश्वर तथा पुरानो बानेस्वरलगायतका स्थानबाट र्याली निकालिएको थियो । विभिन्न स्थानबाट निस्किएको उक्त र्याली नारायणहिटी दरबार संग्रहालयबाहिर आयोजना गरिएको सभामा गएर टुंगिएको थियो ।
जनसभालाई प्रधानमन्त्री एवं नेकपाका अध्यक्ष केपी शर्मा ओली, उपप्रधानमन्त्री एवं सचिवालय सदस्य ईश्वर पोखरेल, गृहमन्त्री रामबहादुर थापा लगायतले सम्बोधन गरेका थिए ।
