रामेछापमा बलत्कृत हुनबाट यसरी बचिन एक किशोरी

१ फागुन, रामेछाप ।
घरबाट आफन्तकोमा हिडेकी एक किशोरीमाथि बाटोमा हिडिरहेको बेला एक्कासी जबरजस्ती करणी गर्ने काेशिस गरेका मन्थली नगरपालिका–५ सुनारपानीका सविन केसीलाई टोकेर आफ्नो अस्मिता जोगाउन सफल भएकी छिन् ।

विहिवार घरबाट आफन्तको घरमा हिडेकी ती युवतीमाथि केसीले रामेछाप नगरपालिका–४ हिमंगगामा बाटोमा हिडिरहेको अवस्थामा एक्कासी समातेर जबरजस्ती करणीको प्रयास गरेका थिए । जिल्ला प्रहरी कार्यालयको रामेछाप एक अधिकृतका अनुसार जबरजस्ती करणी गर्नको लागि बाटोबाट केही पर झाडीमा लगेर लुगा खोलेर मुखमा कपडा हालेर थेन्ने क्रममा मुखमा टाकेर किशोरी भाग्न सफल भएकी हुन् ।

आज जिल्ला प्रहरी कार्यालय रामेछापमा पीडित किशोरीले निवेदन दिएकी छिन् । पीडितको मौखिक उजुरीको आधारमा आज नै प्रहरीले जबरजस्ती करणीको प्रयास गर्ने केसीलाई पक्राउ गरेर अनुसन्धान सुरु गरिसकेको छ । पक्राउ परेका केसीले प्रहरी समक्ष जबरजस्ती करणीको प्रयास गरेको स्वीकार गरेका छन् ।