आगो निभाउन जादा रामेछापमा एक जनाको मृत्यु

१४ चैत, रामेछाप ।
रामेछापको दोरम्बा गाउँपालिका–७ लखनपुरमा आगो निभाउने क्रमममा लडेर एक व्यक्तिको मृत्यु भएको छ । दोरम्बा गाउँपालिका–७ लखनपुरस्थित डोब्लामा स्थानीयहरको भिरपाखामा लागेको आगो निभाउन जाने क्रममा लडेर करिब ७० बर्षिय प्रभुलाल श्रेष्ठको मृत्यु भएको हो । जिल्ला प्रहरी कार्यालय रामेछापका अनुसार आगो लगाउने क्रममा श्रेष्ठ भिरबाट करिब एक सय मिटर लडदा गम्भीर घाइते भएका थिए ।

घाइते श्रेष्ठलाई उपचारको लागि अस्पताल लैजाने क्रममा बाटोमै मृत्यु भएको प्रहरीले बताएको छ । उनको खुट्टा, दायाँ हात जलेर नष्ट हुनुको साथै शरीरमा गम्भीर चोट लाग्दा निधन भएको बताइको छ । श्रेष्ठको लडेर मृत्यु भएकोप्रति दोरम्बा गाउँपालिकाका अध्यक्ष कमासिंह मोक्तानले गहिरो दुःख व्यक्त गर्दै शोक सन्तप्त परिवारप्रति संमवेदना व्यक्त गरेका छन् ।