रामेछापको दुरागाउँमा ट्याक्टर दुर्घटनाः नेता पौडेलको निधन

३० कात्तिक, रामेछाप ।
लिखुतामाकोसी गाउँपालिका–१ दुरागाउँमा आज साँझ ट्याक्टर दुर्घटना हुँदा नेकपा माओवादी केन्द्रका नेता उद्धवराज पौडेलको निधन भएको छ । दुर्घटनामा परी ट्याक्टरका चालकसहित ३ जना घाइते भएका छन् ।

सैपुबाट स्कुलका लागि गिट्टी बोकेर दुरागाउँ जाँदै गरेको ट्याक्टर भीरमा पल्टेको जिल्ला प्रहरी कार्यालय रामेछापका डिएसपी नवराज ढुंगानाले जानकारी दिए । ५४ वर्षिय मृतक पौडेल राजनीति र सामाजिक कार्यमा समेत सक्रिय थिए । पौडेल नेपाल शिक्षक संगठन रामेछापका पूर्व अध्यक्ष समेत रहेका थिए । उनका श्रीमती र दुई छोरा छन् । मृतक नेपालप्रेसका प्रधान सम्पादक मातृक पौडेलका माइला दाई समेत हुन् ।