माओवादी दोरम्बा शैलुङ गाउँपालिका–२ दोरम्बाको वडा अध्यक्षमा योञ्जन

३० कात्तिक, रामेछाप ।
नेकपा माओवादी केन्द्र दोरम्बा शैलुङ्ग गाउँपालिका–२ दोरम्बाको वडा अधिवेशन सम्पन्न भएको छ । प्रथम वडा अधिवेशनबाट मेचमान योञ्जनको अध्यक्षतामा २९ सदस्यीय वडा कमिटी चयन गरेको छ ।

अधिवेशनले ७ सदस्यीय कार्यालय र ११ सदस्यीय सचिवालय समेत निर्वाचित गरेको छ । अध्यक्षमा योञ्जन, उपाध्यक्षमा देउकुमारी मगर, सचिवमा हस्त लामा सह सचिवमा मिन कुमारी श्रेष्ठ र कोषाध्यक्षमा सिंहराज योञ्जन रहेका छन् ।

अधिवेशनमा दोरम्बा शैलुङ्ग गाउँपालिकाका अध्यक्ष एवं माओवादी बागमती प्रदेश कमिटीका सदस्य कमानसिंह मोक्तान, माओवादी दोरम्बा शैलुङ गाउँ कमिटीका अध्यक्ष हिरा श्रेष्ठ, नेताहरु सुनिता गौतम, यशु चौलागाई, दोरम्बा शैलुङ्ग गाउँपालिकाका उपाध्यक्ष कृशला घिसिङ, वडा नम्बर २ दोरम्बाका वडा अध्यक्ष खड्ग बहादुर श्रेष्ठ लगायतको सहभागीता रहेको थियो ।