माओवादी दोरम्बा शैलुङ्ग गाउँ कमिटीको अध्यक्षमा श्रेष्ठ निर्वाचित, यी हुन पदाधिकारी (नामसहित)

१२ मंसिर, रामेछाप ।
नेकपा माओवादी केन्द्र दोरम्बा शैलुङ्ग गाउँ कमिटीको अधिवेशनले नयाँ नेतृत्व चयन गरेको छ । अधिवेशनबाट सर्वसम्मत रुपमा हिरा श्रेष्ठ अध्यक्षमा चयन भएका छन् । गाउँ कमिटीको उपाध्यक्षमा टिका माल्बुके, रेम थापामगर र चन्द्र बहादुर थापामगर चयन भएका छन् । त्यसैगरी सचिवमा तिलक मगर, सह–सचिवमा खाडानन्द ढुंगेल र कोषाध्यक्षमा कृशला घिसिङ चयन भएका छन् ।

घिसिङ दोरम्बा शैलुङ गाउँपालिकाको उपाध्यक्ष समेत रहेकी छिन् । गाउँ अधिवेशनले पदाधिकारीसहित ५५ सदस्यीय गाउँ कमिटीका सदस्यहरु पनि चयन गरेका छन् । अध्यक्षमा निर्वाचित श्रेष्ठ यसअघि पनि माओवादी दोरम्बा शैलुङ्ग गाउँ कमिटीको अध्यक्ष रहेका थिए । त्यसैगरी उपाध्यक्षमा निर्वाचित रेम थापामगर र चन्द्र बहादुर मगर वडा अध्यक्ष हुन् ।