वेपत्ता मानन्धरको खोजी कार्यलाई तीब्रता दिएका छौः डिएसपी थिङ

८ फागनु, रामेछाप ।

जिल्ला प्रहरी कार्यालय रामेछापका प्रमुख डिएसपी राजकुमार थिङले चार दिनदेखि वेपत्ता दिपेश मानन्धरको खोजी कार्य तीब्र बनाएको बताएका छन् । उनले वेपत्ता भएको खबर प्राप्त भएकै दिनबाट प्रहरीले खोजी कार्य गरिरहेको बताउदै परिवारसँगको सहकार्यमा तीब्र गतिमा खोजी भइरहेको बताएका हुन् ।

डिएसपी थिङले रामेछाप न्युजसँग भने,‘हामीले वेपत्ता भएका मानन्धरका परिवारसँग पनि परामर्श गरेका छौ, भोलीबाट प्रहरीको टोली नै बनाएर खोजतलास गछौं । प्रहरीले देशभर वेपत्ता मानन्धरको हुलियासहितको फोटो पठाएर सीमा नाकामा समेत प्रहरीसँग समन्वय गरेर खोजी कार्यलाई जारी राखेको जानकारी दिए ।