रामेछापको गुप्तेश्वरमा बस दुर्घटनाः घाइतेलाई हेलिकोप्टरबाट काठमाडौं लैजाने तयारी

१७ कात्तिक, रामेछाप ।
रामेछापको उमाकुण्ड गाउँपालिका– ६ गुप्तेश्वरमा आज बिहान बस दुर्घटना भएको छ । गुप्तेश्वरबाट काठमाडौ जाने क्रममा सहचालकले बस चलाउने क्रममा गाडी दुर्घटना भएको थियो । दुर्घटनामा परी सहचालक र एक ७० बर्षिय महिला गम्भीर घाइते भएकी छिन् । गाउँपालिकाको समन्वयमा घाइतेहरुलाई थप उपचारको लागि काठमाडौ लैजाने तयारी भइरहेको जिल्ला प्रहरी कार्यालय रामेछापका डिएसपी प्रदीप कुमार सिंहले रामेछाप न्युजलाई बताए ।

गुप्तेश्वर स्थित बस स्टेशनमा रहेको बा.५ ख.२८६ को अरनिको सुपर बसको सह–चालक केबल सुनुवारले बस स्टार्ट गर्दा एक्कासी अगाडी बढदा बस सडक भन्दा करिब ६० मिटर तल खसी मानिस घाईते भएक थिए । त्यसैगरी बसमा रहेकी उमाकुण्ड गाउँपालिका–६ गुप्तेश्वर बस्ने बर्ष ७२ की फुल कुमारी सुनुवार गम्भीर घाइते भएकी छिन् ।