ऐतिहासिक रेकर्ड कायम गर्न सफल ‘छक्का पञ्जा’ यूटयूबमा रिलिज (पूरै चलचित्रसहित)

२९ पुस, काठमाडौं ।

प्रदर्शनको एक सय दिनको  ऐतिहासिक रेकर्ड कायम  गर्न सफल नेपाली चलचित्र ‘छक्का पञ्जा’ पाइरेसीमा परेपछि आधिकारिक रुपमै यूटयूबमा रिलिज गरिएको  छ । चलचित्र फेसबुकमा लिक भएपछि चलचित्रका निर्माता तथा कलाकार दीपकराज गिरीले फेसबुकमार्फत  आधिकारिक रुपमै चलचित्र यूट्युबमा रिलीज गरिएको जानकारी दिनुभएको हो । युरोपमा थुप्रै ठाउँमा चलचित्र प्रदर्शन गर्न बाँकी रहेका बेला पाइरेसीको चपेटमा परेपछि चलचित्र छक्का पन्जा लिएर युरोप पुगेको टोली भ्रमण छोट्याएर नेपाल आउने भएको छ । १६ करोड बढीको कारोबार गरेको फिल्म नेपाली बक्सअफिसको सर्वाधिक सफल चलचित्र हो । हाल युरोपमा रहेका कलाकार गिरी नेपाल आएपछि कानुनी प्रक्रियामा जाने हाफ्नो फेसबुक स्टाटसमा  उल्लेख गरेका छन् ।

दिपकराज गिरीले स्टाटसमा लेखेका छन–

छक्का पन्जा पाइरेसीको चपेटामा परेको छ
फिल्म लिएर यूरोप आएका हामि भ्रमण छोट्याउदै छौ …
थुप्रै ठॉउमा चलचित्र प्रदर्शन गर्न बॉकि रहेको थियो
केहि ब्यक्तिहरू प्रहरीको फन्दामा पनि छन्..
चलचित्र वा अन्य सृजनात्मक कृतिहरू अरूको सम्पत्ति हो.. यो प्राप्त भए पनि फेसबुकमा शेयर गर्नु अपराध हो भन्ने कुरा नबुझनेहरू समस्यामा पर्न सक्छन्
सम्भवत: भोलि सम्ममा आधिकारिक रूपमै यूटुबमा हेर्न पाउनु हुनेछ.. त्यसैले आधिकारिक रूपमै हेर्नु होला
चलचित्र प्राप्त भए पनि शेयर गर्न बाट बच्नु हुन अनुरोध गर्दछू
यसबाट जस जसलाइ ब्यबसायीक क्षति पूगेको छ
सबै संग क्षमा माग्छौ… आगामि दिनमा पाइरेसी गर्ने, गराउने गिरोह बिरूद्द सशक्त रूपमा अगाडि बढने प्रण पनि गर्दछौ…!!!