द्वन्द्वमा मारिएका सुरक्षाकर्मी र कर्मचारीलाई शहीद घोषणा

२२ माघ, काठमाडौं ।

सरकारले सशस्त्र द्वन्द्वका क्रममा शहादत प्राप्त गरेका नेपाली सेना, नेपाल प्रहरी, सशस्त्र प्रहरी बल, राष्ट्रिय अनुसन्धान प्रहरी, निजामती कर्मचारी र शिक्षकलाई शहीद घोषणा गर्ने निर्णय गरेको छ ।

प्रधानमन्त्री निवास बालुवाटारमा सोमवार बसेको मन्त्रिपरिषद् बैठकले द्धन्द्धकालमा शहादत प्राप्त व्यक्तिहरुलाई शहीद घोषणा गर्ने निर्णय गरेको हो ।
बैठकले बेपत्ता पारिएका व्यक्तिको छानबिन आयोग र सत्य निरुपण तथा मेलामिलाप आयोगको कार्यकाल सकिएकाले एक वर्ष म्यद थप गर्ने निर्णय गरेको छ । सरकारका प्रवक्ता मोहनबहादुर बस्नेतले बैठकले उच्चस्तरीय शिक्षा आयोगको म्याद समाप्त भएकाले पुनः चार महिना म्याद थप्ने निर्णय गरेको जानकारी दिए ।