गुण्डा नाइके गणेश लामा पक्राउ

३० फागुन, काठमाडौं ।

महानगरीय प्रहरी वृत, गौशालाको टोलीले गुण्डा नाइके गणेश लामालाई पक्राउ गरेको छ । उनलाई एउटा पेस्तोल र ६ राउण्ड गोलीसहित पक्राउ गरिएको काठमाडौं प्रहरी परिसरका डिएसपी मोहन थापाले बताए ।
गौशालास्थित होटल पशुपति भिजनमा गोली चलेपछि प्रहरीले लामालाई पक्राउ गरेको हो । तर गोली कसैलाई पनि नलागेको प्रहरीले बताएको छ ।
लामालाई नियन्त्रणमा लिएर थप अनुसन्धान थालिएको छ । लामा विरुद्ध विरुद्ध अपरहण, फिरौती र ज्यान मार्ने उद्योग सम्बन्धी मुद्दामा प्रहरीले पटकपटक मुद्दा चलाएको छ ।