‘रामेछाप नगरपालिकाको गुरु योजना बन्यो, अब विकासले गति लिन्छ’

१७ चैत्र, रामेछाप ।
रामेछाप नगरपालिकाका नगरप्रमुख नरबहादुर थापा मगरले शिक्षा स्वास्थ सडक र खानेपानी जस्ता आधारभुत आबश्यकतालाई नगरले पहिलो प्राथमिकतामा राखेर अगाडि बढिरहेको बताएका छन् । उनले नागरिकहरुको न्युनतम आवश्यकताको सम्बोधन गर्दै विकासको गतिमा अगाडि बढेको बताएका हुन् ।

रामेछाप नगरपालिकाद्धारा आयोजित सार्वनिक सुनुवाई कार्यक्रमलाई सम्बोधन गर्दै नगर प्रमुख थापा मगरले नगरले गुरु योजना बनाईसकेको बताए ।

उनले भने,‘रामेछाप नगरपालिकाको गुरु योजना बन्यो, अब योजनाबद्ध रुपमा विकास निर्माणको कामले गति लिन्छ ।’ अब गुरु योजना अनुसार नै काम अगाडि बढाउछौ, उनले भने ।