मौसमको कारण प्रभावित मन्थली–लुक्ला उडान सुचारु

२३ चैत्र, रामेछाप ।
मौसम खराब भएको कारण प्रभावित भएको मन्थलीबाट लुक्ला उडान सुचारु भएको छ । आज बिहानबाटै पानी परेकाले लुक्ला विमानस्थलमा बाक्लो हुस्सु लागेको थियो । जसको कारण मन्थली विमानस्थलबाट विमान उडन सकेका थिएनन् ।

मन्थली विमानस्थलको मौसम राम्रो रहेपनि लुक्ला विमानस्थलको मौसम खराब रहेको कारण बिहान उडान अवरुद्ध भएको उडान अहिले सुचारु भएको नेपाल उडयान प्राधिकरण रामेछापका प्रमुख अमित कुमार चौरसियाले रामेछाप न्युजलाई जानकारी दिए ।

बिहानैदेखि विदेशी पर्यटकहरु लुक्ला जाने तयारीमा रहेपनि खराब मौसमको कारण जान सकेका थिएनन् । उडान सुचारु भएको छ, बिहान पनि मन्थलीमा समस्या थिएन, अहिले लुक्लाको मौसम राम्रो भएकाले धमाधम उडान भइरहेको छ, चौरसियाले भने । मन्थलीबाट लुक्ला दैनिक २५ फ्लाइटसम्म हुँदै आएको थियो । आज भने कम फ्लाइट हुने भएको छ ।