रामेछापबाट काठमाडौं गएको निसान गाडी दुर्घटनाः रामेछापका १९ जना घाइते

१२ जेठ, रामेछाप ।
रामेछापको सुनापती गाउँपालिकाबाट काठमाडौं तर्फ जाने क्रममा काभ्रेको रोशी गाउँपालिकामा महेन्द्र निशान गाडी दुर्घटना हुँदा चालक सहित १९ जना घाइते भएका छन् । सुनापती गाउँपालिका–५ का स्थानीयले बा ३ ख ६३८ नम्बरको निशान गाडी रिर्जभ गरेर आउने क्रममा बिपी राजमार्गको कटुन्जेस्थित लास्कोटमा दुर्घटना भएको हो ।

जिल्ला प्रहरी कार्यालय काभ्रेका घाइते यात्रुलाई उद्धार गरेर उपचारको लागि धुलिखेल अस्पताल ल्याइएको छ । घाइते मध्य दुई जनाको अवस्था गम्भीर रहेको प्रहरीले बताएको छ । मुना मानन्धर र नबिन मानन्धरको टाउकोमा गम्भीर चोट लागेको छ ।
त्यसैगरी गाडी दुर्घटना हुँदा रिता मानन्धर, कुसुम मानन्धर, विनोद मानन्धर, विनोद मानन्धर, ससुराम मानन्धर, विकी मानन्धर, सपना मानन्धर, सिता मानन्धर, लक्ष्मिमाया मानन्धर, सुरोज मानन्धर, रितिका मानन्धर, गंगा मानन्धर, हरि मानन्धर, सबिन मानन्धर, गोपाल मानन्धर, विजय मानन्धर, लक्ष्मी मानन्धर, गष्मा मानन्धर रहेका छन् ।