एसईई परीक्षाः रामेछापमा छात्रातर्फ मन्थली माविकी कार्की भइन उत्कृष्ट

१२ असार, रामेछाप ।
परीक्षा नियन्त्रण कार्यालयले माध्यमिक शिक्षा परीक्षा ९एसईई० परीक्षाको नतिजा प्रकाशित गरेको छ ।यस वर्ष एसईईमा साधारणतर्फ ४ लाख ४९ हजार ६ सय ४२ र प्राविधिकतर्फ ९ हजार ६ सय ३३ परीक्षार्थी सहभागी भएका थिए ।

त्यसैगरी यस बर्षको एसईई परीक्षामा रामेछाप जिल्लाबाट मन्थली माविकी अरुणा कार्कीले छात्रातर्फ उत्कृष्ट नतिजा ल्याउन सफल भएकी छिन् । उनले जिपिए ३.९० ल्याएर उत्कृष्ट नतिजा हासिल गर्न सफल भएकी हुन् ।

मन्थली माविका प्रअ टंक प्रसाद दाहालले उत्कृष्ट नतिजा ल्याउनको लागि विद्यालयले निकै महेनत गरेको बताउदै आगामी दिनमा झन राम्रो गर्ने योजना रहेको बताए । उनले उत्कृष्ट नतिजा ल्याउने विद्यार्थी कार्कीलाई बधाई दिदै आगामी दिनमा मन्थली माविको सान बढाउन सफल हुने विश्वास व्यक्त गरे ।