दोलखामा गुडदै गरेको जीप खोलाले बगाउदा एकको मृत्यु
२० भदौ, दोलखा ।
अविरल बर्षासँगै आएको खोलाको कारण दोलखामा गुडदै गरेको जिप बगाउदा एक जनाको मृत्यु भएको छ । दोलखाको सुन्द्रावती खोलाले जीप बगाउँदा एक जनाको मृत्यु भएको हो । सुन्द्रावती खोला पार गर्ने क्रममा बा १९ च ४३९० नम्बरको जीपलाई बगाउँदा तामाकोसी गाउँपालिका–३, जफेका २४ वर्षीय अनिश पोखरेलको मृत्यु भएको जिल्ला प्रहरी कार्यालय दोलखाले बताएको छ ।
जीप बगाउँदा तामाकोसी गाउँपालिका–३, जफेका विकज पोखरेल र रामेछाप लिखु तामाकोसी गाउँपालिका–२ का पवन पौडेल घाइते भएका छन् । प्रहरीका अनुसार घाइतेहरुको सदरमुकाम चरिकोटस्थित प्राथमिक स्वास्थ्य केन्द्रमा उपचार भइरहेको छ ।
गएराति करिब ११ बजे सिंगटीबाट चरिकोट आउँदै गरेको जीपलाई खोलाले बगाउदा करिब १० मिटर तल पुर्याएको तीन नम्बर प्रदेशका सांसाद हिमाली गोलेले जानकारी दिइन ।