प्रदेश ३ को राजधानी छिट्टै टुंगो लाग्छः मुख्यमन्त्री पौडेल

२२ कार्तिक, सिन्धुपाल्चोक ।
प्रदेश ३ का मुख्यमन्त्री डोरमणि पौडेलले तीन नम्बर प्रदेशको राजधानी छिट्टै टुंगो लाग्ने खुलासा गर्नुभएको छ । सरकार गठन भएको लामो समय वितिसक्दा समेत प्रदेशको स्थायी राजधानी र नामाकरण टुंगो लाग्न नसकेको बेला उहाँले सो खुलासा गर्नुभएको हो ।
मुख्यमन्त्री पौडेलले प्रदेशको नामाकरण र राजधानी सहमतिमै चाँडैनै टुङ्गो लगाइने बताउनुभयो । । सिन्धुपाल्चोकको लामोसाँघुस्थित सेतीदेवी शारदा माविको नवनिर्मित भवनको हस्तान्तरण कार्यक्रमलाई सम्बोधन गर्दै उहाँले अबको विकास गुणस्तरीय र रोजगारीमुलक हुनुपर्ने र त्यसको लागि प्रत्येक पालिकामा एउटा प्राविधिक शिक्षालय स्थापना गर्ने नीति रहेको बताउनुभयो ।

अवको दुई वर्षमा देशले काँचुली फेर्ने दाबी गर्दै मुख्यमन्त्री पौडेलले त्यसको लागि ‘समृद्ध नेपाल र सुखी नेपाली’को महाअभियानमा लाग्न सबैलाई आग्रह समेत गर्नुभयो ।