रामेछापमा फेरि ट्याक्टर टयाक्टर दुर्घटना

२३ मंसिर, रामेछाप ।
रामेछापमा फेरि टयाक्टर दुर्घटना भएको छ । रामेछाप नगरपालिका– ८ मा भे १ त ३११२ नम्बरको ट्याक्टर दारेगौडामा दुर्घटना चार जना घाइते भएका छन् । दोरम्बा गाउँपालिका– ६ का टंकनाथ गौतम, मन्थली–१ का बल बहादुर श्रेष्ठ, लिखुतामाकोशी–७ का तोरक बहादुर श्रेष्ठ र सम्छी गाउँपालिका– २ महोत्तरीका कल्याण चौधरी घाइते भएको जिल्ला प्रहरी कार्यालय रामेछापले बताएको छ ।
जिल्ला प्रहरी कार्यालय रामेछापका प्रमुख सन्तोष भट्टराईले घाइते तोरक बहादुर श्रेष्ठ र कल्याण चौधरीको तामाकोशी स्पतालमा सामान्य उपचार पछि घर फर्किएको र टंकनाथ गौतम र बल बहादुर श्रेष्ठलाई थप उपचारको लागि काठमाण्डौ लगिएको जानकारी दिनुभयो । प्रहरीका अनुसार चालक र सहचालकलाई नियन्त्रणमा लिएर थप अनुसन्धन भइरहेको छ ।