गायक रोज मोक्तान सम्मानित

३० मंसिर, काठमाडौं ।
नेपाली गीत संगीतमा योगदान गरे बापत गायक रोज मोक्तान सम्मानित हुनुभएको छ । तामाङ गीत संगीतमा योगदान गरेको भन्दै नेपाल तामाङ कलाकार संघले उहाँलाई सम्मान गरेको हो ।
होटल ह्यातको ग्राउन्डमा आयोजित तामाङ गीत संगीत तथा खना महोत्सव एवं श्रष्ठा सम्मान कार्यक्रममा लामो समयदेखि गायन क्षेत्रमा सक्रिय रहनुभएका मोक्तानलाई सम्मान गरिएको छ ।
सरकारका प्रवक्ता एवं सूचना तथा प्रविधि मन्त्री गोकुल बाँस्कोटाले गायक मोक्तानलाई सम्मान गर्नुभएको थियो । सम्मानित भएपछि गायक मोक्तानले आगामी दिनमा पनि गायन क्षेत्रमा लागि रहन प्रोत्साहन गरेको प्रतिक्रिया दिनुभयो । कार्यक्रममा लाल बहादुर बाइबा, माया लामा, चन्द्र कुमार मोक्तान, मान बहादुर दोङ, चन्द्र बाइबा, चन्द्र कुमार दोङ, इन्दिरा गोले, प्रेम लोप्चन, जमूना योञ्जन लगायतका कलाकारहरुलाई सम्मान गरिएको थियो ।