उद्योग वाणिज्य संघ रामेछापको अध्यक्षमा घिमिरे विजयी, ९ भोटले दाहाल पराजित

६ माघ, रामेछाप ।
उद्योग बाणिज्य संघ रामेछापको अध्यक्षमा केशव प्रसाद घिमिरे विजयी हुनुभएको छ । लोकतान्त्रिक प्यानलबाट उम्मदेवारी दिनुभएका घिमिरेले नेकपाबाट उम्मेदवारी दिनुभएका जगन्नाथ दाहाललाई ९ मतले पछि पार्दै अध्यक्ष पदमा विजयी हुनुभएको हो । । दाहालले ४ सय ७७ मत प्राप्त गर्नुभयो भने घिमिरेले ४ सय ८६ मत ल्याउनुभएको थियो । अध्यक्ष बाहेकका पदाधिकारी तथा सदस्यहरुमा भने नेकपाले विजयी हासिल गरेको छ ।
विजयी हुने अन्य पदाधिकारीहरुमा नेकपा प्यालनबाट वरिष्ठ उपाध्यक्ष नविन थापा मगर, बाणिज्य उपाध्यक्ष–दामोदर थापा, उद्योग उपाध्यक्ष भिमसेन थापा, महासचिव नवराज ढुङ्गेल, सचिव–सुरेश उदास, कोषाध्यक्ष पवन कुमार कठेत, महिला सदस्यमा जया सुवेदी निर्वाचित हुनुभएको छ ।

त्यसैगरी खुल्ला सदस्यमा किश्वर पौडेल, कुमार श्रेष्ठ, राजु थापा र सुमिका श्रेष्ठ निर्वाचित हुनुभएको छ । महासंघको अध्यक्ष लगायत १४ पदका लागि आईतबार मतदान भएको थियो । कूल १ हजार ९९ मतदाता रहेको संघमा ९ सय ९२ मत खसेको थियो ।