लिखु तामाकोसी गाउँपालिकाको नेतृत्व अब उपाध्यक्ष दाहालले सम्हाल्ने

१२ असोज, रामेछाप ।
लिखु तामाकोसी गाउँपालिकाको नेतृत्व अब उपाध्यक्ष दीपशिखा दाहालले सम्हाल्नु हुने भएको छ । गाउँपालिकाका अध्यक्ष गोविन्द खड्का बलात्कारको आरोपमा पर्पुक्षको लागि जेल चलान भएसँगै उपाध्यक्ष दाहालले गाउँपालिकाको नेतृत्व लिनुभएको हो ।

गाउँपालिकाभित्रको आन्तरिक विवादको कारण यस आर्थिक बर्षको बजेट निर्माणको काम समेत अगाडि बढन सकेको छैन् । उपाध्यक्ष दाहालले यस आर्थिक बर्षको बजेट कार्यान्वय प्रभावकारी बनाउनको लागि आन्तरिक गृहकार्य सुरु गर्नुभएको छ ।

उपाध्यक्ष दाहालले गाउँपालिकाले बनाएको नीति तथा कार्यक्रम र बजेटलाई प्रभावकारी रुपमा कार्यान्वयन गर्ने रामेछाप न्युजलाई बताउनुभयो ।

उहाँले रामेछाप न्युजसँग भन्नुभयो,‘सबैसँगै सहकार्य गरेर गाउँपालिकाको कामलाई प्रभावकारी बनाएर लैजाने गृहकार्यमा लागेको छु ।’ पुर्पक्षको लागि जेल चलान हुनुभएका गाउँपालिकाका अध्यक्ष खड्काको बारेमा अदालतले अर्को फैसला नगरेसम्म उपाध्यक्ष दाहाल नै गाउँपालिका सञ्चालन गर्नुहुने भएको छ ।