रामेछापको मन्थलीमा ५३ जना विद्यार्थी बोकेको बस दुर्घटना

७ फागुन, रामेछाप ।
रामेछापको मन्थलीमा ५३ जना विद्यार्थी बोकेको बस दुर्घटना भएको छ । सेतीदेवी मावि सालुका ५३ जना सवार विद्यार्थी बोकेको बस आज मन्थली नगरपालिका– ५ मच्छेडाँडीमा दुर्घटना भएको हो । बा ५ ख २८५७ नम्बरको बस मच्छेडाँडीमा दुर्घटनामा हुँदा १८ जना विद्यार्थी घाइते भएको जिल्ला प्रहरी कार्यालय रामेछापका प्रवक्ता श्रीशकंर श्रेष्ठले जानकारी दिए ।

घाइते मध्यै सह चालक र एक १४ बर्षिय बालिकको अवस्था गम्भीर रहेपनि अरु घाइतेको अवस्था सामान्य रहेको उनले जानकारी दिए । मन्थलीमा आजबाट संचालन हुन लागेको राष्ट्रपति रनिङ सिल्ड प्रतियोगितामा सहभागिताको लागी खेलाडी सहित विद्यार्थी लिएर आएको बस दुर्घटना भएको हो । प्रवक्ता श्रेष्ठले भने,‘बसका चालकलाई नियन्त्रणमा लिएर अनुसन्धान अगाडि बढाएका छौ, आरालोमा तीब्र गतिको कारण दुर्घटना भएको देखिन्छ, बस दुर्घटना भएपछि ठूलो मानविय क्षति हुनबाट जोगिएको छ ।’

तस्बीरः सागरहरि अधिकारीको फेसबुकबाट