सुनापति गाउँपालिकाका नयाँ प्रमुख प्रशासकीय अधिकृतमा श्रेष्ठ

२७ चैत, रामेछाप ।
सुनापति गाउँपालिकाको नयाँ प्रमुख प्रशासकीय अधिृकतमा कमल राज श्रेष्ठ आएका छन् । गाउँपालिकाका प्रमुख प्रशासकीय अधिकृत राममणि काफ्लेको सरुवा भएसँगै भएपछि नयाँ प्रमुख प्रशासकीय अधिकृतमा श्रेष्ठ आएका हुन् । सुनापति गाउँपालिका–३ हिलेदेवी निवासी श्रेष्ठ यसअघि पर्यटन मन्त्रालयमा कार्यरत रहेका थिए । शुक्रवारबाट श्रेष्ठले कार्यभार सम्हालेका छन् । उनलाई गाउँपालिकाका अध्यक्ष धावा लामा, उपाध्यक्ष गीता विष्टसहित वडाअध्यक्ष र जनप्रतिनिधिहरुले स्वागत गरेका थिए ।

कार्यभार सम्हाल्दै श्रेष्ठले सुनापति गाउँपालिकालाई माथि उठाउन मन बचन र कर्मको साथ काम गर्ने बताए । जनप्रतिनिधिहरुको समन्वय र सहयोगबाट प्रभावकारी रुपमा गाउँपालिकाको काम अगाडि बढाउने बताउदै यसअघि अगाडि बढेका राम्रा कामलाई निरन्तरता दिएर अगाडि बढने बताए । श्रेष्ठले रामेछाप न्युजसँग भने,‘केही गरेर देखाउन आफ्नै गाउँपालिकामा आएको छु, सबैको साथ र सहयोग लिएर अगाडि बढछु ।’