लिखु तामाकोसी गाउँपालिकाका ११ भाइ प्रहरी खोरमा

१३ वैशाख, रामेछाप ।
गाउँमा उदण्डता देखाउदै झै–झगडामा मच्चाउदै हिडने लिखु तामाकोसी गाउँपालिका–५ नागहदका ११ जनालाई प्रहरीले पक्राउ गरेको छ । गाउँमा केही समयदेखि उश्रंखल गतिविधि गर्दै आएका ११ जनालाई प्रक्राउ गरिएको जिल्ला प्रहरी कार्यालय रामेछापले बताएका छ ।

जिल्ला प्रहरी कार्यालय रामेछापका प्रवक्ता श्रीशकंर श्रेष्ठले लिखु तामाकोसी गाउँपालिकामा शनिवार राती समुह बनाएर गाउँमा उदण्ड मच्चाउदै आएका ११ जनालाई पक्राउ गरेर अनुसन्धान भइरहेको बताए । उनका अनुसार पक्राउ पर्नेहरुमा लिखु तामाकोसी गाउँपालिका–५ नागदहका २३ बर्षिय आइमान तामाङ, २२ बर्षिय पेम्बा तामाङ, १७ बर्षिय अजय तामाङ लगायत ११ जना रहेका छन् ।

समुह बनाएर नै कुटपिट र आतङक मच्चाउदै हिडने समुहले विवाह घरबाट आफ्नो घर फर्किदै गरेका पीडित नाबालक लगायत गाउँकै तीन जनालाई घेरा हालेर कुटपिट गर्दा एक बालक हामफालेर ज्यान बचाएको प्रहरीले बताएको छ । प्रवक्ता श्रेष्ठका अनुसार पक्राउ परेका ११ जनालाई सात दिन म्याद थपेर अनुसन्धान भइरहेको छ ।