खाँडादेवी गाउँपालिकामा विद्यार्थी जिस्क्याएर हैरान पार्ने शिक्षक पक्राउ

१४ वैशाख, रामेछाप ।
विद्यालयमा विद्यार्थीहरुले पठानपाठनसँगै नैतिक शिक्षा पनि सिक्ने गर्छन । शिक्षकले विद्यार्थीलाई पढाउनुको साथै ज्ञानगुणको विषय पनि सिकाउछ । तर खाँडादेवी गाउँपालिकामा भने एक शिक्षकले पत्याउ नै गाह्रो पर्ने काम गरेर शिक्षकहरुलाई नै लज्जित बनाएका छन् ।

खाँडादेवी गाउँपालिका–७ गाल्वा स्थित ज्योती उमाविमा कार्यरत ४३ बर्षिय शिक्ष्ँक संजय रायले विद्यालयमै अध्यनरत एक छात्रालाई जिस्क्याउनुको साथै प्रेम प्रस्ताव नै राखेपछि प्रहरी खोरमा पुगेका छन् । सर्लाही जिल्ला हरिपुर नगरपालिका–१ स्थायी घर भइ हाल उक्त विद्यालयमा शिक्षण पेशा गर्दै आएका रायले ती छात्रालाई बारम्बार फोन र म्यासेज गर्ने, मोबाईल किनदिन्छु र आर्थिक प्रलोभन देखाउदै आन्तिममा प्रेम प्रस्ताव नै राखेपछि पीडित छात्राले प्रहरी समक्ष उजुरी दिएकी थिइन ।

पीडित छात्राको उजुरीको आधारमा शिक्षकलाई पक्राउ गरिएको जिल्ला प्रहरी कार्यालय रामेछापका प्रवक्ता श्रीशकंर श्रेष्ठले जानकारी दिए । उनका अनुसार पक्राउ परेका शिक्षकमाथि थप अनुसन्धान भइरहेको छ ।