रामेछापमा आज अहिलेसम्मकै धेरै कोरोना संक्रमित थपिए

३ जेठ, रामेछाप ।
रामेछाप जिल्लामा अहिलेसम्मकै धेरै कोरोना संक्रमित पुष्टि भएको छ । एकै दिन आज रामेछापमा १ सय ४५ जनामा कोरोना संक्रमण पुष्टि भएको स्वास्थ्य कार्यालय रामेछापका जनस्वास्थ्य अधिकृत भुवन थापाले जानकारी दिए । उनका अनुसार सुनापति  गाउँपालिकामा २० जना, दोरम्बा गाउँपालिकामा २८ जना र रामेछाप र मन्थली नगरपालिकाका ९७ जना रहेका छन् । योसँगै कोरोनाको दोस्रो लहर अन्गर्तग रामेछापमा कोरोना संक्रमित हुनेको संख्या ४ सय ८५ जना पुगेका छन् ।