युरोप पठाइदिन्छु भन्दै ६ जनालाई ठग्ने रामेछापका सुनुवार पक्राउ

१० भदौ, काठमाडौं ।
युरोप पठाइदिन्छु भन्दै छ जनालाई ठगी गरेको आरोपमा रामेछापका एक व्यक्त पक्राउ परेका छन् । युरोप पठाइदिन्छु भन्दै ६ लाख रुपैयाँ ठगी गरेको आरोपमा रामेछाप गोकुलगंगा गाउँपालिका– ३ का पोशबहादुर सुनुवारलाई प्रहरीले काठमाडौंबाट पक्राउ गरेको हो ।

पीडितहरुले दिएको उजुरीको आधारमा कोटेश्वरबाट महानगरीय अपराध महाशाखाबाट खटिएको प्रहरी टोलीले रामेछाप घर भइ हाल कोटेश्वर बस्दै आएका सुनुवारलाई बुधबार पक्राउ गरेको छ । सुनुवारले वर्किङ भिसामा युरोपेली मुलुक लिथुनिया पठाइदिन्छु भन्दै ६ जना व्यक्तिबाट एक–एक लाखका दरले ६ लाख रुपैयाँ लिई सम्पर्कविहीन भएको उजुरी परेको महाशाखाले जनाएको छ । प्रहरीका अनुसार पक्राउ परेका सुनुवारलाई थप अनुसन्धानका लागि वैदेशिक रोजगार विभाग, बुद्धनगर पठाइएको छ ।