रामेछापको खाँडादेवी गाउँपालिकामा मिनी ट्रक दुर्घटनाः घाइतेलाई काठमार्डौ लगियो

१३ मंसिर, रामेछाप ।
रामेछापको खाँडादेवी गाउँपालिका–४ धर्मशालाा मिनी ट्रक दुर्घटना भएको छ । दुर्घटनामा गम्भीर घाइते छ जनालाई प्राथमिक उपचार गरेर थप उपचारको लागि काठमाडौं पठाइएको छ । बाँकी घाइतेकाे मन्थलीकै तामाकाेसी अस्पतालमा उपचार भइरहेकाे छ ।

आज माओवादी केन्द्र खाँडादेवी गाउँकमिटीको अधिवेशनमा सहभागी हुने गाउँपालिकाको केन्द्र माकादुम तर्फ जाने क्रममा ना ७ ख ६७६७ नम्बरको ट्रक भित्ता साइटमा पल्टिदा छ जना गम्भीर घाइते भएका हुन् । जिल्ला प्रहरी कार्यालय रामेछाप ट्रकमा सवार २० जना मध्ये ६ जना घाइतेलाई थप उपचारको लागि काठमाडौं पठाइएको बताएको छ । जिल्ला प्रहरी कार्यालय रामेछाप प्रवक्ता श्रीशकंर श्रेष्ठले मिनी ट्रकका चालक फरार रहेकाले खोजी कार्य भइरहेको छ ।
विस्तृत विवरण केहीबेरमा