रामेछापको दुरागाउँमा फेरि ट्याक्टर पल्टिएकै ठाउँमा लडेर भुजेलको मृत्यु

२२ मंसिर, रामेछाप ।
रामेछापको लिखुतामाकोसी गाउँपालिका–१ दुरागाउँमा बाटोमा हिडने क्रममा लडेर एक जनाको मृत्यु भएको छ । तीन साता अघि दुरागाउँको बसेरीमा ट्याक्टर पल्टिएर दुई जनाको निधन भएको घटना सेलाउन नपाउदै सोही ठाउँबाट लडेर दुरागाउँका दुर्गा बहादुर भुजेलको निधन भएको हो ।
जिल्ला प्रहरी कार्यालय रामेछापका डिएसपी नवराज ढुंगानाले लडेर दुर्गा बहादुर भुजेलको मृत्यु भएको खबर प्राप्त भएकाले घटनास्थलमा टोली परिचालन गरिएको रामेछाप न्युजलाई बताए । उनका अनुसार आज रात घटनास्थलमै बसेर भोली बिहान मुचुल्का गरेर मात्र पोष्टमार्टमको लागि मन्थली ल्याइनेछ ।