रामेछापको गेलुमा तास खेल्ने पाँच भाई पक्राउ खोरमा

२४ मंसिर, रामेछाप ।
मन्थली नगरपालिका–११ गेलुमा तास खेल्ने सात जनालाई नगदसहित प्रहरीले पक्राउ गरेको छ । आज दिउसो तास खलिरहेको सूचनाको आधारमा प्रहरीले तास खेलिरहेको स्थानबाट सात जनालाई पक्राउ गरेको हो । गुलका मटक बहादुर बुढाथोकीको घरमा तास खेलिरहेका उनीहरुको साथबाट प्रहरीले एक लाख भन्दा बढी नगद पनि बरामत गरेको छ । पक्राउ गरिकाहरुमाथि प्रहरीले अनुसन्धान प्रक्रिया अगाडि बढाएको छ ।
पक्राउ पर्नेहरुमा मन्थली–११ का ५१ बर्षिय टिका बहादुर तामाङ, ६० बर्षिय मटक बहादुर बुढाथोकी, ५१ बर्षिय प्रेम घिसिङ २४ बर्षिय सन्तोष मगर, ४१ बर्षिय कृष्ण बहादुर लुङगेली रहेका छन् ।
प्रहरीले तास खेलिरहेको खालबाट १ लाख २३ हजार नगद तीन बुक तास बरामत गरेको बताएको छ । जिल्ला प्रहरी कार्यालय रामेछापका डिएसपी नवराज ढुंगानाले पक्राउ परेका पाँचै जनामाथि अनुसनधान भइरहेको बताए । उनका अनुसार भोली सार्वजनिक विदा भएका आइतवार पाँच जनामाथि म्याद थप गरेर अनुसन्धान प्रक्रिया अगाडि बढाइनेछ ।