साथीलाई खुकुरी हानेर भागेका रामेछापका तामाङले प्रहरीमाथि पनि आक्रमण गरेपछि…….

१० पुस, काठमाडौं ।
काठमाडौंमा आफ्नै साथीलाई खुकरी हानेर भागेका रामेछापका एक युवकले प्रहरीलाई समेत आक्रमण गरेर घाइते भएका छन् । साथीलाई खुकरी हानेर भागेका रामेछाप लिखुतामाकोसी गाउँपालिका लिखुका शनि तामाङलाई पक्राउ गर्ने क्रममा उनले प्रहरीलाई नै आक्रमण गरि घाइते भएका थिए । प्रहरीमाथि आक्रमण गर्ने तामाङलाई प्रहरीले नियन्त्रणमा लिएको छ । रामेछाप घर भइ तार्केश्वर नगरपालीका वडा नम्बर ८ शेषमती लामबजार नजिक सामान्य विषयमा विवाद हुँदा दोलखाका सुवास तामाङलाई खुकुरी हानेर भागेका थिए ।

साथीलाई खुकुरी हानेर भागेका शनि तामाङलाई पक्राउ गर्न खोज्दा उनले प्रहरी प्रभाग धर्मस्थलीका प्रहरी नायब निरीक्षक पदम अवस्थीलाई समेत आक्रमण गरेका थिए । घाइते भएका प्रहरी नायब निरीक्षक अवस्थी र खुकुरी हान्ने तामाङ दुबैको वीर अस्पतालमा उपचार भइरहेको प्रहरीले जनाएको छ । घाइते प्रहरी अवस्थीको टाउकोमा पाँच वटा टाँँका लगाइएको पनि प्रहरीले जनाएको छ ।