रामेछापमा श्रीमानको जुठो बारेर बसेकी महिलामाथि जबरजस्ती करणी गर्न खोज्न पक्राउ

२५ पुस, रामेछाप ।
रामेछापमा श्रीमानको मृत्युपछि जुठो बारेर बसिरहेकी एक महिलामाथि जबरजस्ती करणी गर्न खोजेको आरोपमा एक पुरुष पक्राउ परेका छन् । श्रीमानको जुठो बारेर बसेकी लिखु तामाकोसी गाउँपालिकी एक महिलामाथि घरमा कोही नभएको मौका छोपेर जबरजस्ती करणीको प्रयास गर्ने लिखु तामाकोसी गाउँपालिका ५० बर्षिय सिंग बहादुर कामीलाई प्रहरीले पक्राउ गरेको हो ।

घरमा सुति रहेको अवस्थामा कोठाभित्र प्रवेश गरेर जबरजस्ती करणी गर्ने क्रममा ती महिलाले प्रतिकार गरेपछि छोरीले छिमेकीलाई खबर गरेकी थिइन । छिमेकीले थाहा पाएसँगै विक त्यहाँबाट भागेको जिल्ला प्रहरी कार्यालय रामेछापका प्रवक्ता श्रीशकंर श्रेष्ठले जानकारी दिए । छिमेकीले थाहा पाएपछि भागेका बिकलाई हिजो राती ११ बजे धोबीबाट पक्राउ गरेको थियो ।

प्रहरीले उनलाई छ दिनको म्याद थप गरेर जबरजस्ती करणी उद्योग अन्तर्गत अनुसन्धान प्रक्रिया अगाडि बढाएको श्रेष्ठले बताए ।