रामेछापमा एक महिलालाई जबरजस्तीकरण गरेर फरार भएका सिन्धुलीका मुक्त्तान पक्राउ

२१ मंसिर, रामेछाप ।
दुई महिना अघि दोरम्बा शैलुङ गाउँपालिका वडा नम्बर १ अर्चले बजार नजिकै रहेको च्यान डाँडामा पार्टी घरभित्र लगेर जबरजस्ती करणी गरेर फरार भएको आरोपमा सिन्धुलीका एक युवक पक्राउ परेका छन् । दुई महिना अघि एक युवतीलाई च्यान डाँडाको एकान्तमा कोही नभएको मौका छोपेर सिन्धुली सुनकोसी गाउँपालिका–१ घर भई हाल रामेछापकै खाँडादेवी गाउँपालिकाको लुभुघाटमा मासु पसल गर्दै आएका पेमा मुक्क्तानलाई प्रहरीले पक्राउ गरेको हो ।

पीडित महिनाले आफूमाथि जबरजस्ती भएको उजुरी प्रहरीलाई दिएपछि आरोपी मुक्तानको खोजी कार्य अघि बढाएको थियो । जिल्ला प्रहरी कार्यालय रामेछापका सूचना अधिकारी रञ्जन कुमार गिरीले खोजतलास गर्ने क्रममा मंसिर २० गते काठमाडौं चन्द्रगिरी नगरपालिका–५ स्थित लुकिछिपी बसेको अवस्थामा फेला पारी पक्राउ थप अनुसन्धान भइरहेको रामेछाप न्युजलाई बताए ।