मन्थलीमा बिजुलीको लाइट चोर्ने व्यक्ति प्रहरीको खोरमा

८ असोज, रामेछाप ।
मन्थली नगरपालिकाको कठजोर खोला पुल र आकाशे पुलमा राखिएको डिजिटल लिट लाइट चोरी गर्ने व्यक्तिलाई प्रहरीले पक्राउ गरेको छ । लाइट चोरी भएको सम्बन्धमा प्रहरीले खोजतलास गर्ने क्रममा आज बिहान मन्थली नगरपालिका–४ घर भई हाल कटहरबोट नजिकै आफ्नो घरमा बस्दै आएका जत्न बहादुर योञ्जनलार्य प्रहरीले पक्राउ गरेको हो । उनलाई चोरी भएको सामान सहित पक्राउ गरिएको जिल्ला प्रहरी कार्यालय रामेछापले बताएको छ।